Өнгөрсөн 7 хоногт хугацааны эх болон сүүлчээр ихэнх нутгаар 1-15 градусаар хүйтэрлээ

2020 оны 10 дугаар сарын 26-ны 08 цагаас 11 дүгээр сарын 2-ны 08 цаг хүртэлх 7 хоногийн цаг агаарын тойм

Тунадас: Өнгөрсөн 7 хоногт 30-нд Увс, Завхан, Хөвсгөл, Булганы зарим газар, Төв, Сэлэнгийн ихэнх нутгаар, 31-нд Завхан, Төв, Сэлэнгийн зарим газар, Хэнтий, Дорнодын хойд хэсгээр, 11 дүгээр сарын 1-нд Завханы хойд, Дорнодын зүүн хэсгээр 0.0-4.0 мм цас орж, цасан шуурга шуурсан байна. Үүнээс нийлбэр тунадасны хэмжээгээр хамгийн их нь Дарханы Шаазгайт, Дорнодын Хэрлэнд 4.0 мм, Сэлэнгийн Зүүнхараа, Бугант, Дорнодын Баян-Уул, Увсын Малчин, Цагаанхайрхан, Төв аймгийн Борнуурт 3.0 мм, бусад нутгаар 0.0-2.0 мм орсон байна.

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Баян-Өлгийн баруун, Увс, Хэнтийн зүүн хойд, Завхан, Хөвсгөл, Төв аймгийн хойд хэсэг, Сэлэнгэ, Дорнодын зарим газраар 1-5 см зузаан цастай байна. Үүнээс хамгийн их нь Увсын Баруунтуруун 5.0 см, Баян-Өлгийн Даян, Хөвсгөлийн Цагаан-Үүр, Дарханы Шаазгайтад 4.0 см, бусад нутгаар 1.0-3.0 см зузаан цасан бүрхүүлтэй байна.

Агаарын хамгийн их температур: Хугацааны дунд үед ихэнх нутгаар дулаарч Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Туул, Тэрэлж голын хөндийгөөр 0...+7 градус, Хангайн нурууны өвөр бэл болон говийн бүс нутгийн өмнөд хэсэг, Дорнод-Дарьгангын тал нутгаар +13...+18 градус,  бусад нутгаар +8...+13 градус байв.        

Агаарын хамгийн бага температур: Хугацааны эх болон сүүлчээр ихэнх нутгаар 1-15 градусаар хүйтэрч Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Туул голын хөндийгөөр -20...-25 градус, Алтай, Хэнтэйн уулархаг нутаг, Орхон-Сэлэнгэ, Эг-Үүр, Хараа, Ерөө, Тэрэлж голын хөндийгөөр -14...-19 градус, Их нууруудын хотгор болон говийн бүс нутгийн өмнөд хэсгээр -5...-10 градус, бусад нутгаар 10...-15 градус хоносон байна.

Cалхи: 29-нд Алтайн салбар уулсаар, 30-нд баруун аймгуудын нутгийн зүүн, төвийн аймгуудийн нутгийн баруун хэсэг, говийн аймгуудын нутгийн зарим газраар, 31-нд говь, тал хээрийн нутгаар секундэд 13-21 метр, зарим үед секундэд 23-25 метр хүрч ширүүссэн байна.

Улаанбаатар хот орчмоор: 26-нд 0.3 мм, 30-нд 1.0 мм, 31-нд 0.8 мм цас орсон. Бусад хугацаанд цас ороогүй. Салхи ихэнх хугацаанд секундэд 6-11 метр. Хугацааны эх болон сүүлчээр хүйтэрч шөнөдөө Яармаг-Сонгины орчмоор -14...-20 градус, бусад хэсгээр -8...-13 градус, өдөртөө 0...-4 градус, хугацааны дунд үеэр дулаарч шөнөдөө Яармаг-Сонгины орчмоор -7...-13 градус, бусад хэсгээр -2...-7 градус хүйтэн, өдөртөө +7...+12 градус байв.

<< Буцах

Онцлох мэдээ

Улаанбаатар - 2021/06/14

2 цаг

12 53
O
CF
Үзэгдэлгүй
1 м/с

ӨНӨӨДӨР - 2021/06/13

21 69
O
CF
Бороо

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store